БЛОГ ХОЁР САРТАЙ

За улс төр гэдэг сүрхий нэртэй блог нээгдээд нэг мэдсэн хоёр сар өнгөрчихөж. Энэ хугацаанд нийт манай блогт хандсан хандалт 14500 даван одсон нь энэ блогийг хөтөлж буй хамт олны хувьд томоохон баяр хөөр юм. 

Блогт Д.Мягмарсүрэн, А.Энхбат нарын зэрэгцээ П.Дашдорж, Д.Анхбаяр, П.Сэрдарам зэрэг ажил мэргэжлийн болон олон нийтийн  үйл ажиллагаанд идэвхтэй оролцдог, нийгэм судлаач залуучууд өөрсдийн үзэл бодол, мэдлэг мэдээллээ хуваалцаж эхэлсэн нь блогийн маань хувьд том дэвшил юм.

Хэдийгээр блог маань богино хугацаанд ажилласан хэдий ч "Монголын шилдэг блог-2010" арга хэмжээнд "Нийгмийн сэдэвт шилдэг блог" номинацид айргийн тавд "давхиж" чадсан нь тус блогийг уншиж, өөрсдийн үзэл бодлоо илэрхийлж, саналаа өгч байсан уншигчдын маань ач гэж ойлгож байна.  Иймээс их бага хэмжээгээр анхаарлаа хандуулж, үнэтэй цаг заваа зориулж ирсэн уншигч та бүхэндээ чин сэтгэлээсээ баярлаж буйгаа илэрхийлье.

Удахгүй тус блог  домайн нэр авч нэг хүний бус нилээн олны үзэл бодол, мэдлэг туршлагыг хуваалцдаг талбар болох гэж байгаагаа хэлэхэд таатай байна. 

Ингээд та бүхэндээ өнгөрсөн нэг сарын хугацаанд хамгийн их уншигдсан нийтлэлүүдийг хүргэе. Өнгөрсөн нэг сарын хугацаанд нийт 6062 хандалт гарснаас:

Нийтлэлийн нэр                                                   Уншсан тоо

1 АРАЙ ХЭТЭРЛЭЭ ЭНЭ ЧИНГИС...                141

2 БӨӨ МӨРГӨЛ БА БӨӨГИЙН ШАШИН          117

3 ИРАН ОРНООР                                           112

4 ОЛОН УЛСЫН ХАРИЛЦАА БА ХАР ХАЙРЦАГНЫ БОДЛОГО                               98

5 ҮГИЙН ХҮЧ                                                   92

6 МЕТРО БИДНИЙ МӨРӨӨДӨЛ                     72

7 МОНГОЛЫН ТУХАЙ ОРОС ОНИГОО            65

8 АНЖЕЛИНА БОЛ АМЕРИК, АМЕРИК БОЛ АНЖЕЛИНА                                                    64

9 УХАМСАР ИДЭГЧИД                                    63

10 ХОЁР СОЛОНГОСЫГ ХОЛБОХ ГҮҮР БОЛЪЁ 51

тус тус эхний 10  шилдэг "chart"-д шалгарсан байна.

Мөн тус блогт Монгол, ОХУ, Турк, БНСУ, АНУ, Швейцар, Ядон, Швед, Их Британи, Бельги зэрэг орнуудаас хамгийн ихээр хандсанаас гадна Израйль, Молдав, Исланд, Ирланд, Тайланд, Грек, Итали,Украйн зэрэг улсаас шинээр хандаж орсныг хэлэх байна.

Ингээд блогийн хөтлөгч хамт олны зүгээс та бүхний ажил бүтээл, амьдрал ахуй ер бүхий л зүйлд хамгийн сайн сайхан бүхнийг хүсье.