ОРОСЫН ДАРААГИЙН ЕРӨНХИЙЛӨГЧ ХЭН БЭ?

2012 онд манай хойд урд хөршүүд төрийн удирдлагуудаа шинээр сонгоно. Манай улс ч төрийн эрх барих байгууллагынхаа сонгуулийг явуулах юм.

Том гүрнүүд болох хойд, урд хөршүүдийн маань дараагийн ерөнхийлөгчид хэн байх нь дэлхийн улс орнуудын хувьд багагүй чухал асуудал. Дунд нь хавчуулагдсан манай орны хувьд бүр ч  анхаарал хандуулж, ажиглаж байх ёстой чухал сэдэв.

Өмнөд хөршийн ирээдүйн удирдагчаар БНХАУ-ын орлогч дарга, Коммунист намын Төв хорооны Улс төрийн товчооны Байнгын хорооны гишүүн Си Зиньпин залгамжлан томилогдох нь бараг тодорхой болсон.

Харин Хойд хөршийн хувьд В.Путин, Д.Медведев хоёрын аль нь дараагийн удаа сонгогдох вэ гэдэг талаар маргаан үргэлжилж байна. В.Медведевийг 2012 онд өрсөлдөх хуулийн бололцоо бүрдэх хүртлээ түр залгамжлуулсан хүний хувьд В.Путинг гарцаагүй гэж нэг хэсэг нь таамаглаж байна. Өөрөө ч энэ байр суурийг батлаа л байгаа.

Нөгөө талаас эрх мэдлийн амтыг мэдэрсэн Д.Медведевийн хувьд мөчөөгөө өгөхгүй дахин сонгогдох сонирхол байгаа нь гарцаагүй гэж бусад нь мэтгэх.

За тэр яахав. Оросын ард түмэн хошин шогийн мэдрэмж сайтай улс. 2012 онд хэн нь ерөнхийлөгчид нэр дэвшиж болох талаар  дараах “марзан” хувилбарыг мөн дэвшүүлж байна. 

 

Монгол өвгөд минь аль алийг нь гомдоохгүйн тулд хосоор нь ерөнхийлөгчөөр сонгох тухай санал тавьж мэдэх “өрөвчхөн”, мэдрэмжтэй ард түмэн дээ бас. Яагаав өнөө, хоорондоо дайсан хэдий ч аавын хүүхдүүдийг алаг үзэхгүй гээд Хитлер, Сталин хоёрт хоюуланд нь агт морь бэлэглэдэг шиг ээ...